Një 25-vjeçar me origjinë shqiptare është dënuar me 28 muaj burg për disa vepra penale.
Fatbardh Arifaj, 25 vjeç, banues në Marlborough Road, u deklarua fajtor për një akuzë që lidhet me drogën, një akuzë për dokumente të rreme identifikimi, një akuzë për marrjen e pasurisë kriminale si dhe drejtimin e automjetit pa patentë.
Ai u dënua me një total prej dy vitesh dhe katër muaj burgim në të njëjtën seancë.
Në orën 21:00 të hënën, 27 korrik të këtij viti, Arifaj u arrestua në Slough Road, për çështje që lidhen me drogën dhe u zbulua se po përdorte një patentë shoferi italiane të rreme.
Një total prej 39 pako të vogla kokainë u gjetën në makinën e tij me një vlerë rruge rreth 1,500 paund. Arifaj u akuzua të nesërmen (28 korrik) para se të pranonte të gjitha veprat penale në gjykatë.
Oficeri hetues, Tom Hughes-Parry, me qendër në stacionin policor Maidenhead, tha se “Arifaj është një tregtar shqiptar i drogës i cili ka shitur drogë të klasit A në Borough Royal duke u paraqitur si një shtetas italian, duke përdorur dokumente të rreme për të shmangur kapjen.
Arifaj gjithashtu do të përballet me dëbim nga ky vend pas vuajtjes së dënimit dhe unë jam i kënaqur që ai është sjellë para ligjit për aktivitetin e tij kriminal”.
