Ish-deputetja e Partisë Demokratike, Albana Vokshi ka publikuar këtë të Hënë pamje nga shkolla “Gustav Mayer” në kryeqytet. Në pamje duket grumbullim personash jashtë dyerve të institucionit arsimor, me gjasë prindër të nxënësve që janë ulur sot në bankat e shkollës pas disa muajsh ndërprerje për shkak të koronavirusit.
Pamje të ngjashme në fakt janë vërejtur dhe në shkolla të tjera në Tiranë.
Në një postim në rrjetet sociale, bashkë me pamjet e publikuara, Vokshi shkruan:
“Propaganda e Kryeministrit Rama vs Realiteti nê shkolla këtë fillim viti.
Përkundët fotove të përzgjedhura nga Kryeministri, situata në shumë shkolla është krejt ndryshe. Kjo është shkolla Gustav Mayer në Tiranë. Mungesë organizimi nga ana e shkollës që ka cuar në grumbullime prindërish e nxënësish… asnjë mundësi për respektim të protokollit të sigurisë së shëndetit”.
