Katër shqiptarë të moshës nga 21-27 vjeç u arrestuan nga policia italiane, pas një hetimi të gjatë.Ata akuzohen se shpërndanin lëndë narkotike në lagjen e Comasinas, ndërsa përdornin dron për të kontrolluar nëse dërgesat ishin të suksesshme.
Të rinjtë rezultojnë me precedentë të mëparshëm penalë dhe të parregullt në territorin italian.
Brenda banesës, policët gjetën dhe sekuestruan 15,6 kilogramë hashash, 1,16 kilogramë kokainë, dy peshore elektronike, material për paketimin e drogës, një celular tjetër me teknologji të kriptimit të thirrjeve dhe dronin e përdorur.
Policia konstatoi se aktiviteti i tregtimit të drogës koordinohej nga droni, i cili kontrollohej nga banesa e tyre.
