Mbrëmjen e sotme, Nënkryetari i Partisë Demokratike Edi Paloka ka denoncuar kryeministrin Edi Rama se po përgatitet të vjedhë zgjedhjet e ardhshme paralamentare.
Denoncimin e tij Paloka e mbështeti tek një takim i Ramës me krerët e bandave në një hotel në Durrës dhe PD do të bëjë një denoncim për këtë rast në ditët në vijim.
“Rama do përpiqet që të japë sinjale se do të vjedhë dhe i ka mbledhur banditët edhe në Durrës. Ai ka mbledhur bnditët dhe kriminelët e Durrësit në një hotel dhe ne do të bëjmë denoncimin. Iku Gjushi me bandat nga Durrësi. Kur të vijë momenti i duhur do ta publikojmë. Kjo është një gjë e sigurt dhe do të merret vesh se i njeh i gjithë Durrësit. Gjushi kishte fijet me bandat, prandaj ka ardhur Rama që të mbajë lidhjet për zgjedhjet, se janë futur në konflikt me njëra-tjetrën”, ka thënë Paloka në RTV Ora.
