Dua Lipa është duke shpërndarë zërin, hitet dhe performancat e saj kudo nëpër Evropë. Përveç turnet të saj, Dua ka gjetur kohë të performojë edhe në skena të ndryshme ku është ftuar. Më e fundit është performanca e saj në “Gouden Televizier – Ring Gala 2016” në Holandë, ku është pritur mjaft mirë. 21 vjeçarja ka kënduar hitin e saj “Blow your mind” publikuar vetëm një muaj më parë. Këngëtarja shqiptare është duartrokitur nga publiku holandez ndërsa të rinjtë këndonin bashkë me të.
![Dua Lipa - "Blow your mind"](http://i0.wp.com/bordo.al/wp-content/uploads/2016/10/carmencitta-Dua-Lipa-Blow-Your-Mind.jpg?resize=1024%2C576)
Në kuadër të turneut të saj në kontinentin evropian, koncerti i radhës do të jetë më 17 tetor, në Kopenhagen, Danimarkë. Ditët në vijim do ta gjejnë Dua Lipën në Gjermani, në qytetet Berlin, Hamburg, Këln, Frankfurt dhe Mynih.
![Dua Lipa](http://i1.wp.com/bordo.al/wp-content/uploads/2016/10/dua-lipa-big.jpg?resize=1020%2C784)
Albumi i parë, që do të ketë si titull vetë emrin e këngëtares, do të dalë në treg më 10 shkurt.