Edmond Gëzdari, ish-futbollisti dhe trajneri shqiptar, ka kritikuar ashpër performancën e dobët të ekipit kombëtart teksa këta të fundit u mundën 1-0 ndaj Lituanisë në stadiumin “Air Albania”.
Duke folurnë emisionin “Pressing” në ABC News, ai ka lëshuar kritika të mëdha për lojtarët e kombëtares dhe paraqitjen e tyre në humbjen ndaj Lituanisë.
“Si mund ta fitosh ndeshjen me njerëz që nuk dinë të çojnë topin përpara. 3 mesfushorët dhe 3 mbrojtësit nuk dinë të luajnë pasimin. Nuk kanë fantazi fare. Na mungoi presioni dhe shpirti i garës, gjendja fizike ishte mizerabël.
Taktika? Emrat ishin zgjedhur gabim për atë që duam ne. Kjo ishte skuadër për të luajtur jashtë, jo për të luajtur brenda në stadiumin tonë. Balaj duhej për të zgjidhur punë. Sulmuesit ngelen si peshku pa ujë, nuk ju shkoi topi.
Si mund të fitosh me mesfushorë si hamallë? Cikalleshi? Asgjë nuk do të ndryshonte sot. Për mua, skuadra nuk është e ndërtuar për të fituar lojën. Nuk ka fare fantazi, nuk luhet futboll: hajde të markojmë të gjithë.
