Juventusi ka prezantuar afrimin e tyre më të ri, Weston McKennie, për shumën e 4.5 milion eurove, nga skuadra e Schalke 04.
Mesfushori 22-vjeçar fillimisht është transferuar në formën e huazimit për 1 vit, teksa bardhezinjtë kanë të drejtën e blerjes së lojtarit në fund të sezonit për 20 milion euro.
Në konferencën për shtypin të prezantimit përpara popullit bardhezi, McKennie është shprehur tepër i lumtur për këtë mundësi si dhe është ndalur tek trajneri Andrea Pirlo.
“Ndodhi gjithçka brenda dy javëve. U lumturova kur mora vesh për interesimin e Juventusit. Entuziazëm i madh, e doja me çdo kusht kalimin te ky klub. Është krenari të jem amerikani i parë që luan me Juventusin.”
“Jam i nderuar që do të luaj me bardhezinjtë. Ky klub është shumë i famshëm në SHBA, do të përpiqem edhe unë të promovoj edhe më shumë markën e Juves në vendin tim. Drejtuesit nuk patën probleme për të më bindur të vija këtu.”
Trajneri? “Pirlo është një mjeshtër, është një ëndërr e kthyer realitet fakti që do të mësoj shumë nga ai dhe do të luaj me lojtarë të kalibrit të madh. Marrja dhe qarkullimi i topit është një pikat e mia më të forta.
Kam biseduar me Pirlon, më ka thënë që i pëlqen stili im i lojës dhe aftësia për të rikuperuar topa. Kemi rënë dakord për pozicionin ku do të aktivizohem dhe ku do të lëviz.”
