Gjykata e Apelit të Durrësit ka vendosur për të gjithë komisionerët, e arrestuar më herët për “Dosjen 339”, masën e sigurisë “arrest në shtëpi”.
Vetëm tre prej të arrestuarve të cilët nuk e kishin ankimuar vendimin e shkallës së Parë, është lënë në fuqi masa “arrest në burg”.
Për pesë komisionerët që kishin apeluar vendimin e Gjykatës së Shkallës së Parë, u dha si masë sigurie “arrest në shtëpi”.
Shpëtim Stafa, Fredi Marku, Emilian Tuda, Dalvis Biba, Indrit Bici, sipas vendimit të Apelit, do të qëndrojnë në arrest shtëpie.
Komisionerët e qendrës së votimit në fshatin Shetel të Bashkisë Shijak dhe ato të fshatit Rubjek, u arrestuan me urdhër të SPAK pasi kishin lejuar që të votohej në emër të 29 persona që nuk ishin prezent në Shqipëri.
Në përgjegjësi penale ishte marrë edhe një qytetar, që akuzohet të ketë votuar për persona të tjerë.
