Modelja e njohur, Naomi Campbell mund të përballet me një gjyq, pasi ish-partneri i saj e ka paditur pasi nuk i ka kthyer një shumë të konsiderueshme parash. Vladislav Doronin, gjithashtu pretendon se supermodelja britanike ka mbajtur disa nga pronat e tij.
Campbell ka refuzuar t’i kthej tre milionë dollarët, që pretendohen nga 57 vjeçari. Gjithashtu, për këtë akuzë ekzistojnë edhe dokumenta ligjor. Doronin dhe Campbell kanë qënë së bashku për 5 vite.
Pasuritë e Vladislav Doronin, përfshijnë një jaht, një avion privat, një shtëpi në Moskë, një banesë në Knightsbridge dhe një shtëpi në Ibiza.
Gjatë lidhjes së tyre, ai i dha dhurata të ndryshme supermodeles, duke përfshirë këtu suitën presidenciale 10,000 mijë pound për një natë në Ritz Carlton Moscow. Gjithashtu, miliarderi thuhet se i bleu asaj një fustan ‘Zac Posen’ për 26,000 pound, në një ankand bamirësie. Ata ishin në prag fejese, por Doronin rezultonte ende i martuar me bashkëshorten e tij, Ekaterina, me të cilën ishte ndarë në 1998, por nuk ishin divorcuar.
