Aktualisht ai po vuan me 13 vite burg dënimin për një krim tjetër, ku akuzohet si vrasës me pagesë, dhe e mori 80 mije euro, për të kryer ekzekutimin e aktorit Mishel Manokut, pak vite më parë.
Shkëlzen Buci akuzohet së fundmi edhe për vrasjen e motrës së tij, ngjarje e ndodhur në vitin 2012.
Sipas organit të akuzës ekzekutimin e Eglantina Bucit e ka kryer vëllai i saj, Shkëlzen Buci duke e groposur më pas në Malin me Gropa.
Ngjarja u zbulua nga një bashkëpunëtori i drejtësisë.
Dëshmitari mësohet se është një i njohur i familjes Buci, i cili është arrestuar për një tjetër vepër penale.
Gjatë marrjes në pyetje ai u ka rrëfyer policisë se ka pasur dijeni edhe për një ngjarje tjetër kriminale ku është i përfshire Shkëlzen Buci.
Miku i tij ka treguar se Shkëlzeni i ka pas kërkuar që të ruante të motrën. Bashkëpunëtori i drejtësisë i ka treguar policisë se pas vrasjes së Englantinës e kanë dërguar trupin tek Mali me Gropa.
Në atë kohë familja pretendoi se vajza kishte humbur, por gjetja e eshtrave dhe kryerja e hetimeve të mëtejshme zbuloi se ajo ishte vrarë nga familja.
Ngjarja e rëndë ndodhi në vitin 2012, ku Eglantina Buci, atëherë vetëm 23 vjeç, shkoi të bashkëjetonte me të dashurin e saj në zonën e Freskut në Tiranë edhe pse familja e kundërshtonte një fakt të tillë.
Nga hetimet doli, se pasi mësuan ku ishte vajza, babai i saj Faik Buci dhe vëllai Shkëlzen Buci shkuan dhe e morën Eglantinën nga shtëpia ku jetonte në zonën e Freskut në Tiranë duke e vrarë më pas.
Disa vite më vonë, në zonën e Malit me Gropa u gjet skeleti i saj, duke bërë që policia fillimisht të dyshojë për vajzën e humbur duke marrë pjesë të ADN-së së nënës së saj për t’i krahasuar.
Pas analizave rezultoi se ADN-ja e eshtrave dhe e nënës së Eglantinës përputheshin duke vërtetuar se bëhej fjalë pikërisht për vajzën e zhdukur.
Në pranga, veç vëllait që është duke vuajtur dënimin, ra edhe babai i vajzës, Faik Buci.
