‘Më thoshte fjalë të pista’/ Dëshmon gjimnazistja nga Kruja, e cila ngacmohej seks*alisht nga babai

Fjalët e turpshme jo si të një babai kanë tronditur një gjimnaziste në Krujë. Vajza mësohet ti këtë thënë grupit hetimor se ajo është ngacmuar vetëm me fjalë të pahijshme nga i ati.

Veprimet e tij nuk shkuan më tej megjithatë adoleshentja ju drejtua policisë për kallëzim pas konsultimit me psikologen.

“Babai herë pas here konsumonte alkool. Kohët e fundit  kur ishte i dehur më ka folur me fjalë të çuditshme dhe ngacmuese, jo si të një babai. Kur i tregova psikologes fjalët e tij ajo i cilësoi si ngacmim seksual pasi ishin të turpshme”, mësohet të ketë thënë ajo.

LEXO EDHE  Gjyshja tregon mesazhet me mbesën 17-vjeçare në Siri: S’na lënë të dalin, të vijnë të na kërkojnë

Ndaj 54-vjeçarit është paraqitur dhe një tjetër denoncim tjetër nga bashkëshortja e tij për dhunë fizike.

Gruaja sipas dëshmive dhunohej prej shumë vitesh nga bashkëshorti i saj por deri tani nuk kishte pasur kurajo për ta kallëzuar.

Pas prangosjes të 54-vjeçarit ditën e shtunë, Gjykata e Krujës miratoi kërkesën e Prokurorisë duke caktuar masën e sigurisë “burg pa afat” deri në përfundim të hetimeve. Mësohet se 54-vjeçari  nuk ka pranuar akuzat.