Një shqiptar ka treguar në vendin fqinj se edhe qelia në Itali vlen më shumë se liria në vendlindjen e tij. Një 35-vjeçar shqiptar u arrestua për tregti droge në maj 2019 dhe u dënua me 2 vjet burg.
Sidoqoftë, në këmbim të vuajtjes së dënimit në burg, gjykatësi kishte afruar dëbimin e tij nga territori italian, si dhe ndalimin e rihyrjes për 5 vjet në Itali.
Një vit më vonë, shqiptari jo vetëm hyri sërish në Itali, por i shoqëruar nga një avokat u paraqit pranë karabinierëve në Reggio, për të shlyer borxhin me sistemin italian të drejtësisë, “duke preferuar të vuante dënimin në vendin tonë se sa lirinë në shtëpi”, – raportojnë mediat italiane.
Shqiptarit i kishte mbetur 1 vit, 7 muaj dhe 9 ditë burg ende pa shlyer, të cilën kërkoi ta shlyente në Itali me pëlqimin e tij.
Sipas akuzës, 35-vjeçari drejtonte një rrjet shpërndarësit lëndësh narkotike në zonën Regina Pacis dhe gjatë arrestimit 24 mijë euro para “cash” iu gjetën në banesë.
