Pas takimeve në Presidencë lidhur me konsultimet e thirrura nga Presidenti Ilir Meta për caktimin e datës së zgjedhjeve, përfaqësues të partive opozitare janë mbledhur në selinë e PD-së.
Takimi në PD ka nisur rreth orës 13:30 dhe në të synohet të bashkërendohen veprimet politike në këtë vit zgjedhor, ku fushata pritet të nisë së shpejti.
Opozita e bashkuar ka propozuar si datë për mbajtjen e zgjedhjeve 18 prillin, çka duket se do të dekretohet edhe nga Presidenti Meta, pasi socialistët nuk kanë paraqitur preferencë për ndonjë nga datat brenda asaj që njihet si periudha zgjedhore.
