Kryetari i Partisë Demokratike, Lulzim Basha deklaroi pas takimit me kreun e shtetit për datën e zgjedhjeve se, shumica absolute e shqiptarëve kërkojnë zgjedhje sot jo nesër.
“Shumica absolute e shqiptarëve kërkojnë zgjedhje sot jo nesër, duan zgjidhje se janë të lodhur nga propaganda e mashtrimet… Për ne i rëndësishëm që procesi të jetë i lirë e i ndershëm”, tha Basha në një prononcim për gazetarët.
Basha e mbyllim e një shprehje të Shën Tereëzës: “E djeshmja ka shkuar, e nesërmja nuk ka ardhur ende, ndaj të fillojmë të punojmë për të sotmen”…
Më herët, Meta u takua me kryeministrin Edi Rama. Ky i fundit, sipas burimeve nga Presidenca, tha se ishte gati për zgjedhje në çdo datë, përveç 2 Majit që janë Pashkët Ortodokse.
Sipas Kushtetutës, periudhë e mbajtjes së zgjedhjeve është 15 Prill-15 Maj. Partitë e vogla opozitare kanë kërkuar që zgjedhjet të mbahen në periudhën më të afërt që lejon Kushtetuta. E në këtë rast është data 18 Prill, e Diela më e afërt pas 15 Prillit.
