Një sanitare në spitalin Rajonal të Beratit është konfirmuar pozitive me Covid-19, pas kryerjes së tamponit.
Ajo është karantinuar në banesë, ndërkohë që të njëjtën procedurë kanë zbatuar dhe punonjës të tjerë të spitalit me të cilët e infektuara ka pasur kontakte. Punonjësit e karantinuar janë në pritje të përgjigjes së tamponit, për të zbuluar nëse janë prekur apo jo nga koronavirusi.
Në qarkun e Beratit, sipas të dhënave zyrtare të Ministrisë së Shëndetësisë, janë 75 raste aktive me Covid. Ndërkohë, në të gjithë vendin, rastet aktive numërohen 3 811.
