Bazuar në Kodin e ri Zgjedhor, zgjedhjet e ardhshme parlamentare do të mbahen mes 15 prill dhe 15 maj, që përkon edhe me periudhën zgjedhore.
Presidenti Ilir Meta ka nisur sot konsultimet me përfaqësues të partive politike, ku është njohur dhe pritet të njihet me datat e preferueshme për ta për zhvillimin e zgjedhjeve.
Dy takimet e para, meta i ka pasur me kreun e PDIU, Shpëtim Idrizi, dhe përfaqësuesin e PR-së, Arjan Madhi, dy parti që bëjnë pjesë në koalicionin e drejtuar nga PD.
Data që i është propozuar Presidentit për ta dekretuar është 18 prilli, e dila e parë brenda asaj që konsiderohet si periudha zgjedhore.
Qëndrimin e Idirzit dhe Madhit, mësohet se e mbështet edhe PD dhe LSI, çka do të thotë se opozita e bashkuar do të synojë mbajtjen e zgjedhjeve më 18 prill.
Ndërkohë, socialistët përmes Taulant Ballës kanë propozuar më herët mbajtjen e zgjedhjeve më 9 maj, e diela e fundit, brenda periudhës zgjedhore.
Nuk dihet nëse Presidenti do të caktojë ndonjë nga datat e preferuara nga partitë politike, apo do të caktojë një datë të ndërmjetme.
Shtatori pritet të ketë në fokus vijimin e reformës zgjedhore, implementimin e saj, si dhe nxjerrjen e akteve ligjore që do të mundësojnë ecjen përpara të procesit.
Çështja e cila ka mbetur pezull është nëse në zgjedhje do të shkohet me formulën e deritanishme të koalicioneve, sikundër ka kërkuar opozita e bashkuar, apo do të aplikohet formula e propozuar nga PS, që lejon koalicionet por me një listë të përbashkët kandidatësh.
Risia është se në zgjedhjet e ardhshme do të aplikohet teknologjia në identifikimin e votuesve, si dhe listat e hapura të kandidatëve. Mbetet për tu parë nëse listat do të jenë të hapura 100 %, sikundër ka propozuar edhe PD, apo do të jenë në masën 80 %.
