Një ngjarje e rëndë ka ndodhur në Brazil, ku një grua shtatzënë u vra dhe iu nxor fëmija nga barku.
Sipas asaj që shkruajnë mediat e huaja, gruaja, Flávia Godinho Mafra, 24-vjeç u mashtrua nga shoqja e ngushtë se i kishte përgatitur një festë, e më pas e sulmoi atë me një tullë dhe i preu barkun duke i nxjerrë foshnjën.
Ndërkohë, autorja e krimit raportohet se kishte abortuar foshnjën e saj vetëm një vit më parë.
Viktima ishte ishte 36 javëshe shtatzënë, ndërsa trupi i pajetë i saj u gjet nga bashkëshorti.
Foshnja e tyre, vajzë arriti të mbijetonte dhe u gjet më vonë nga policia pasi autorja e krimit dhe bashkëshorti i saj e kishin çuar në një spital.
Ka qenë spitali që lajmëroi policinë pasi foshnja kishte shenja të prerash në shpinë, ndërsa gruaja që e kishte çuar në spital nuk kishte shenja se kishte lindur. Ata u arrestuan menjëherë nga policia.
