Ish-deputetja demokrate, Jorida Tabaku, ka paraqitur faktet se si shqiptarët janë varfëruar dhe çmimet janë rritur në 7 vitet e qeverisjes së Edi Ramës. Tabaku thekson se zgjidhja e vetme është të largojmë taksidarët për t’i hapur rrugë punës dhe kapitalit.
“Shqipëria e rilindur është Shqipëria e dështuar dhe falimentuar. Më shumë taksa, çmime më të larta, më pak konsum dhe një tavolinë më e varfër. Nuk është Shqipëria e atyre që duan të punojnë por e atyre që vjedhin dhe taksojnë. Shqipëria e ccmimeve 15% më të larta e shqiptarëve që kanë të ardhurat më të ulëta në rajon.
Zgjidhja e vetme është të largojmë taksidarët për t’i hapur rrugë punës dhe kapitalit. Shqiptarët kanë nevojë për mundësi dhe punë. Shqipëria ka nevojë për taksa të ulëta, punësim, investime, incentivim të konsumit. Taksa e sheshtë 9%, lehtësim për sipërmarrjen.
Së bashku mund t’ia dalim! E ardhmja është ajo e Shqipërisë në Punë!!”, shkruan Tabaku, duke postuar videon e mëposhtme.
