Drejtuesja e Byrosë Kombëtare të Hetimit Aida Hajnaj është takuar ditën e sotme me dy prokurorët e SPAK, Dritan Prençi dhe Vladimir Mara, në ambientet e godinës së SPAK.
Nuk dihet sepse Hajnaj ka zgjedhur të takohet me këta dy prokurorë, të cilët kanë pasur në duart e tyre dosjen 339 lidhur me manipulimin e zgjedhjeve në Durrës, por edhe dosjen e Ylli Ndroqit, pasuritë e të cilit janë sekuestruar me vendim Gjykate.
Hajnaj mori ditën e djeshme detyrën si drejtuesja e parë e njësisë së hetimir të SPAK, që është cilësuar si FBI-ja shqiptare.
Ambasada e SHBA në Shqipëri e ka cilësuar këtë hap si një gur të rëndësishëm jo vetëm për sistemin e drejtësisë por edhe për gratë në rolet drejtuese.
