Në tregun e këmbimit valutor vendas, Leku forcoi sot pozitat ndaj monedhave të huaja, krahasuar me një ditë më parë.
Sipas kursit zyrtar të Bankës së Shqipërisë, monedha e gjelbër amerikane u zhvlerësua me 0.59 lekë dhe këmbehet me 103.74 lekë.
Ndërsa euro këmbehet me 124.04 lekë, ose 0.05 lekë më pak se ditën e hënë.
Gjithashtu Leku ka forcuar pozitat sot edhe ndaj frangës zvicerane, dollarit australian, dollarit kanadez e koronës suedeze.
Ndërsa monedha britanike është forcuar me 0.52 lekë dhe këmbehet sot në kuotën e 139.34 lekë.
Sipas Bankës së Shqipërisë, kursi i këmbimit paraqitet i qendrueshëm dhe luhatjet janë brenda parashikimeve ndikuar nga faktorët sezonal.
