Një 50-vjeçar nga fshati Memaliaj në Gjirokastër u arrestua për kultivimin e bimëve narkotike.
Përmes droneve, policia arriti të zbulojë sasitë e kanabisit të mbjella në një banesë të braktisur në fshatin Memaliaj.
Menjëherë efektivët e policisë zbarkuan në terren dhe bënë të mundur arrestimin e 50-vjeçarit P.B.
“Shërbimet e Stacionit të Policisë Memaliaj në vijim të kontrollit të pandërprerë të territorit, me qëllim evidentimin dhe goditjen e tentativës së kultivimit të bimëve narkotike, gjatë kontrollit në fshatin Memaliaj, në një banesë të pabanuar, në pronësi të shtetasit P.B., 50 vjeç, banues në Këlcyrë, kanë konstatuar të kultivuara bimë narkotike Cannabis Sattiva” – njofton policia.
Në banesë iu gjetën dhjetëra bimë kanabisi të mbjella në kuti plastike shumica e të cilave nuk ishin të ekspozuara në diell.
