Një sherr me grushte ka ndodhur sot në Bashkinë e Gjirokastrës. Debati verbal ka përfunduar në dhunë fizike mes drejtorit dhe vartësit të tij
Ngjarja ka ndodhur në Drejtorinë e Ujërave për Zonat Rurale në bashkinë jugore.
Mësohet se drejtori Bashkim Tola dhe vartësi i tij Engjëll Imeraj, fillimisht janë zënë me fjalë, por më pas kanë përfunduar në përdorimin e dhunës fizike.
Drejtori Tola është paraqitur në policinë e Gjirokastrës dhe ka bërë kallëzim penal ndaj vartësit të tij.
Nuk dihen ende shkaqet që çuan në acarimin e situatës deri në dhunë mes dy zyrtarëve gjirokastritë.
