Një video e publikuar nga ish-kryeministri Sali Berisha në rrjetet sociale tregon grumbullim qytetaresh në aeroportin e Rinasit. Sipas Berishës, pamjet janë filmuar një ditë më parë, ndërsa vihet re dhe mosrespektimi i distancës prej të paktën 1.5 m, siç është rekomanduar nga autoritetet shëndetësore.
Berisha shprehet se pamjet ja ka dërguar një qytetar, i cili shprehet:
“Kam udhtu dje nga rinasi dhe kam pa nji tmerr… nji kaos qe vetem ne grushta shteti e shef. Burra, Gra, Fmi, t’moshum si dhe Virusi (Korona) qe ishin ba bashk te nji siperfaqe kret e vogel e aeroportit. Nji rradh qe fillonte nga Sporteli i Check-init e perfundote kur hypshe ne avion. Distancat midis njerzve ishin aq te vogla, saqe ja nishe te rrahunat e zemres personit mrapa teje. Nqs ka arrit kush deri ne at moment me u rujt sadopak prej Virusit, e ke te sigurt qe prej aty del i infektum. Nji mosorganizim i frikshem, kishe 5-10 civila policiet qe as pergjigje nuk dishin me te dhan…dmth rrishin kot. Ishalla na run Zoti”.
Situata të ngjashme janë shfaqur në fakt edhe në shumë institucione në vend, si bashki, postë, spitale apo edhe banka të nivelit të dytë.
https://www.facebook.com/SaliBerisha/videos/vb.121577844669798/1983751255092398/?type=2&theater
