Në 24 orët e fundit në Maqedoninë e Veriut janë regjistruar 4 viktima, 78 raste të reja me COVID-19 dhe 40 pacientë të shëruar.
Ministria e Shëndetësisë e Maqedonisë raportoi sot për 4 pacientë të vdekur dhe 78 të infektuar me koronavirusin e ri. Rastet e reja të të infektuarve dalin pas testimit të 860 mostrave.
Instituti i Shëndetit Publik brenda 24 orëve ka regjistruar 40 pacientë të shëruar. Sipas të dhënave të fundit, numri i personave të vdekur me sëmundjen COVID-19 ka arritur në 568.
Që nga fillimi i pandemisë, në vendin fqinj me Covid-19 janë diagnostikuar gjithsej 13,673 persona, prej të cilëve 10,150 pacientë janë shëruar. Ndërsa, numri i rasteve aktive në Maqedoni është 2,995.
