Policia e Tiranës ka arrestuar shtetasit R.Gj., 24 vjeç dhe I.P., 24 vjeç, pasi akuzohen se shpërndanin lëndë narkotike në kryeqytet. Gjatë kontrollit të vendit ku dy të arrestuarit ishin, u gjetën 80 doza me lëndë të dyshuar kanabis, si dhe shumën prej 62.000 lekë, të cilat u sekuestruan në cilësinë e provës materiale, së bashku me 3 aparate celular.
Arrestimi i dy shtetasve u bë i mundur falë denoncimit të qytetarëve.
Gjatë operacionit, shërbimet e Policisë në rrugën “Frosina Plaku”, në hapësirën midis një blloku pallatesh, e cila quhet si zona e “Tunelit”, kanë konstatuar dy personat e lartpërmendur të cilët në bashkëpunim me njeri-tjetrin, po shisnin lëndë narkotike në doza të vogla- raporton Policia.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale “Prodhimi dhe shitja e narkotikëve”, e kryer në bashkëpunim, shtuan të njëjtat burime.
