Klubi bask i Real Sociedadit njoftoi mbrëmjen e djeshme nënshkrimin me fantazistin spanjoll David Silva I cili u largua nga Manchester City pas 10 viteve.
Një lajm ky që ka kapur në befasi italianët e Lazios, të cilët kishin arritur marrëveshjen me futbollistin 34-vjeçar dhe kishin prenotuar edhe vizitat mjekësore.
Drejtori Sportiv i Lazios, Igli Tare, nuk e ka fshehur zhgënjimin e tij të madh teksa ka kërkuar sqarime nga fantazisti spanjoll, duke shtuar se e respekton David Silva-n si futbollist, por aspak si njeri.
“Mësova për transferimin e David Silvës te skuadra e Real Sociedad. Kam respekt të madh për futbollistin, por jo për njeriun”, tha Igli Tare në një komunikatë të publikuar në faqen zyrtare të klubit bardhekaltër.
Quite some words from Lazio director Ighli Tare:
“I learned David Silva joined Real Sociedad.
I highly respect the player, but I don’t respect the man”— Tancredi Palmeri (@tancredipalmeri) August 18, 2020
