4 ditët e pritjes së qytetarëve shqiptarë në Kakavijë për të shkuar drejt Greqisë, i ka sfilitur deri në palcë. Situatë kaotike, e orë që nuk mbaronin ishin të rënda për nëna dhe fëmijë, e si të mos mjaftonte kjo vuajtje teksa po emigrojnë, një tragjedi ndodhi një ditë më parë para syve të të gjithëve.
Një 10-vjeçar humbi jetën pasi u përplas nga një ambulancë. Me kalimin e orëve qytetarët nuk informoheshin nga autoritetet. Kaosi vazhdon.
Sot, u mor një tjetër vendim, ku të gjithë qytetarët që presin për të kaluar drejt Greqisë, kanë të drejtën të kalojnë pa patur nevojë për testin negativ të koronavirusit deri në orën 22:00 të mbrëmjes së sotme, por nga nesër do jetë ndryshe.
Një foto e publikuar së fundmi është bërë virale në rrjet, ku shihet një fëmijë, i cili me pamjen e tij duket se e tregon atë krizë që ka kaluar për 4 ditë më radhë. Ai shfaqet i përlotur teksa me duar shtrengon pasaportën duke pritur me padurim të largohet nga Shqipëria./BoldNews.al/
