Sulmuesi i Tiranës, Michael Ngo’o është pranë largimit nga bardheblutë. Arsyeja e divorcit, mes shtatlartit dhe klubit kampion të Superligës është mosmarrëveshja për rinovimin e kontratës.
Zëvendësuesi i Ngo’o-s me shumë gjasa do të jetë sulmuesi ganez, Derrick Sasraku. Madje mediat në Ganë pretendojnë se mes palëve është arritur marrëveshja dhe shumë shpejt sulmuesi pritet të zbarkojë në Tiranë për të firmosur kontratën e re.
Sezonin e fundit Sasraku e zhvilloi në Ganë, atdheun e tij, ku u aktivizua me Medeama.
