Ministri për Europën dhe Punët e Jashtme ka zhvilluar një telefonate me homologun grek Miltiadis Varvitsiotis, lidhur me radhët kilometrike të shqiptarëve që presin në Kakavijë për të kaluar në tokën helene para datës 17 gusht, kur nis edhe karantimi i detyruar 7-ditor.
Cakaj shprehet se u diskutua për bashkëpunim mes palëve për të lehtësuar kalimin në këtë pikë kufitare.
“Diskutuam për nevojën për të thelluar bashkëpunimin për të lehtësuar kalimin kufitar në Kakavijë.
Duke respektuar të gjitha masat dhe forcimin e grupeve që punojnë në kufi, ne vazhdimisht jemi duke ndjekur situatën për të lehtësuar ngarkesën në kufirin Shqipëri-Greqi”, shkruan Cakaj.
Nuk dihet nëse ministri në detyrë është me pushime apo jo, por pas 72 orësh Cakaj duket se është zgjuar nga gjumi dhe ka bërë një telefonatë me homologun grek, e cila nuk dihet nëse do e zgjidhë apo jo situatën.
Situata e krijuar prej 72 orësh në pikën kufitare të Kakavijës, por edhe atë të Kapshticës, është një skandal, ndërsa nga autoritetet shqiptare nuk ështq ofruar asnjë zgjidhje, përveç disa reagimeve që nuk kanë zgjidhur problemin.
