Ministria e Shëndetësisë njoftoi sot zbulimin e 146 rasteve të reja me Covid-19, 23 prej të cilave në rrethin e Krujës.
Referuar raportimeve, në Fushë-Krujë është zbuluar një vatër e re infeksioni ku janë konfirmuar pozitivë 11 persona.
Ata dyshohet se janë infektuar në një ceremoni martesore, ku kanë qenë të pranishëm.
Të infektuarit e tjerë mësohet se janë në fshatra, ndërsa në qytetin Krujës janë konfirmuar gjatë 24 orëve të fundit vetëm 3 raste.
Në 24 orët e fundit kanë humbur jetën 6 pacientë, duke e çuar numrin e viktimave nga Covid-19 në 219.
