Gazetari Gjergj Figuri ka denoncuar në rrjetet sociale shqetësimin se policia gjobit vetëm lokalet në Lezhë kur organizojnë ceremoni dasmash.
Figuri shkruan në profilin e tij në rrjetin sociale se ministri Sandër Lleshaj i ndalon dasmat vetëm në Lezhë dhe jo në zona të tjera.
“Veç kurioz jam për të ditur, ky ministri Lleshi a e ka rendin dhe masat anticovid vetëm për Lezhën?
Ne s´jemi republikë më vete me mbret Sandrin dhe ligje veç për Lezhën?!!!!!
E treta dasëm ku jam i ftuar në Mirditë, Kurbin e Shkodër po asnjë gjobë, asnjë masë, asnjë shqetësim, asnjë frikë, asnjë mësymje policësh e FNSH drejt restoranteve të dasmave?!!!!
Hajde zbatim ligji hajde. Të fala Sandër nga një dasëm se lezhjanet nuk kanë me të harru?!”- shkruan ai.
Më herët ka qenë Kryebashkiaku i Lezhës, Pjerin Ndreu, që ka denoncuar goditjet selektive të Policisë së Shtetit ndaj lokaleve në Lezhë, krahasuar me qytete të tjera. Sipas Ndreut, ndërsa në Lezhë policia vendos gjoba në masë ndaj lokaleve që organizojnë dasma, kjo nuk ndodh në qytete të tjera.
