Dr Garik Israelian parashikon se nuk do të jetë e largët dita kur njerëzimi do të njihet me ekzistencën e alienëve.
Ai shprehet se zbulimi do të jetë aq i thellë sa do të “trondisë njerëzimin”.
Astrofizikani madje beson se do të kemi zbuluar mikrobe të huaja, mbase në Mars, brenda dekadës së ardhshme.
“Të paktën, ne do të gjejmë nënshkrime të qarta [dëshmi të jetës] që vijnë nga jeta inteligjente. Është lloji i zbulimit që do të trondisë njerëzimin. Do të ishte mjaft interesante për shkencën, por unë mendoj se do të na bënte të kuptonim se jeta është një gjë kaq e jashtëzakonshme, ne do të kujdeseshim më mirë për atë që po bëjmë në planetin tonë”, tha ai për The Sun.
Israelian ka qenë pjesë e astrofizikës për dekada të tëra dhe ka botuar më shumë se 500 punime shkencore.
NASA ndërkohë po përgatitet të dërgojë njerëzit në Mars në vitet 2030 dhe të sjellë përsëri mostra për prova në Tokë.
Por Dr Barry DiGregorio, një studiues në Qendrën e Astrobiologjisë së Universitetit të Buckingham, shprehet i frikësuar se mostrat mund të përmbajnë patogjene vdekjeprurës që mund të ndezin pandemitë e ardhshme.
/Boldnews.al/
