Manchester United ka kaluar në gjysmëfinale të Europa League. “Djajtë e kuq” këtë sukses e arritën pasi mposhti Copenhagen me rezultat minimal 1-0.
Koha e rregullt përfundoi pa gola, me një pjesë të dytë të dominuar nga United derisa në pjesën e parë nuk luajti mirë.
Golin e vetëm, Manchesteri e shënoi vetëm në kohën shtesë. Autori i golit të fitores ishte Bruno Fernandez në minutën e 94-të nga penalltia.
Klubi anglez, është bërë kështu ekipi i dytë që arrin në gjysmëfinale. Pak më herët Interi mposhti 2-1 Bayern Leverkusen.
