Polumbarët e RENEA-s kanë gjetur dy pistoleta në lumin Shkumbin. Armët janë gjetur gjatë aksionit të zhvilluar për gjetjen e thikës me të cilën Xhuljano Hoxha dhe Euglen Halili kishin ekzekutuar Regis Runajn.
Nuk dihet nëse pistoleta është hedhur në këtë vend nga të njëjtat persona, për të humbur gjurmët.
Dyshimet e para të policisë janë se ato janë përdorur në ngjarje kriminale, ndërkohë që vijojnë hetimet për të sqaruar dinamikën e plotë të saj
Sipas policisë dy autorët, janë të përfshirë edhe në vrasjen e ndodhur 10 ditë para kësaj ngjarje ku u ekzekutua me armë zjarri Emiljano Ramazani, mik me Regis Runajn. /abcnews.al
