Mediat turke raportojnë se aktorja Gokçe Akyildiz e njohur si “Songyl”, nga seriali “Lule të vetmuara” është ndarë nga bashkëshorti i saj. Gokçe u martua me Mustafa Ozyurt tre vite më parë.
Ata u njohën gjatë xhirimeve të serialit, ku Mustafa punonte në prapaskenë. Çifti u bekua me një djalë të cilit i vendosën emrin Omer dhe dukeshin shumë të lumtur në martesën e tyre. Por siç raportojnë mediat turke së fundmi ata kanë pasur zënka e keqkuptime që kanë çuar në ndarjen e tyre.
Një tjetër detaj që e konfirmon ndarjen është edhe fakti që të dy kanë fshirë fotot me njëri-tjetrin nga rrjetet sociale. Thuhet se Gokçe Akyildiz pas ndarjes ka marrë kujdestarinë e djalit. Aktorja ka vendosur që tani e tutje të përqëndrohet tek karriera dhe së shpejti do të nisë xhirimet e një seriali të ri.
