Genoa apo Lecce? Kush do të mbetet në Serie A për edicionin e ardhshëm? Gjithçka vendoset sonte teksa luhen takimet e fundit të javës së 38-të.
Për sa i përket rivalitetit për zonat evropiane gjithçka është vendosur, ndërsa sonte në Itali luhet për fundin e tabelës, saktësisht për skuadrën që qëndron në ligë.
Genoa dhe Lecce janë dy skuadrat që rrezikojnë të shkojnë në Serie B. Genoa ka fatin në duart e veta, pasi qëndron me një pikë më shumë sesa Lecce. Një fitore e tyre kundër Verona do të bënte që Lecce të mbetet jashtë Serie A në çdo rezultat tjetër.
Kurse, Lecce synon tri pikët kundër Parma, me shpresën se Verona e Juric do të ndalë Genoan.
Mbetet të shihet se si do të jenë rezultatet sonte, për të parë kush mbetet në Serie A dhe kush bie në Serie B.
