Numri i të infektuarve dhe viktimave me koronavirus në Shqipëri prej muajit qershor po rritet, ndërsa autoritetet shëndetësore vijojnë apelet drejtuar qytetarëve për të respektuar distancimin sociale, mbajtjen e maskave në ambiente të mbyllura dhe ruajtjen e higjenës personale.
Në një video të postuar në rrjetet sociale, mjekja e QSUT-s, Migena Qato, tregon se situata në spitalin Infektiv sa vjen dhe rëndohet.
Mjekja Qato kujton gjithashtu se virusi nuk bën dallim moshe pasi shumë të rinj janë duke marrë mjekim ndërsa thekson se shumë prej tyre nuk kanë as sëmundje bashkëshoqëruese.
“Në spitalet COVID vijon beteja e përditshme për jetën, në përballje me një virus të rrezikshëm që nuk bën dallim dhe po prek edhe të rinj, që sot po marrin trajtim në spital.
#RespektoRregullat↔️😷🧼 Jep kontributin tënd për të frenuar përhapjen e koronavirusit!
#TëNdihmojmëEkipetMjekësore🙏🏼
🤜#COVID19🤛”, shkruan ministrja Ogerta Manastirliu, e cila ka shpërndarë videon.
