Interi thuhet se është afër transferimit të Sandro Tonalit pasi ka arritur një marrëveshje me Brescian në lidhje me një huazim me detyrim blerje.
Tonali ka qenë një sensacion sezonin e kaluar në Serie B dhe këtë sezon në Serie A, duke bërë shumë klube të mëdha të vihen pas tij.
Megjithatë, mediat italiane raportojnë se Nerazzurrët tashmë kanë fituar garën për transferimin e talentit të madh italian. Sipas Corriere di Brescia, Interi dhe Brescia kanë rënë dakord për një marrëveshje të shtrenjtë huazimi prej 10 milionësh me një detyrim blerje të lojtarit për një shumë totale prej 35 milionë eurosh në vitin 2021.
Raporti nënvizon se 20-vjeçari do të fitojë 2.5 milion euro vit në Inter, duke rënë dakord për një kontratë deri në qershor të vitit 2024 dhe do të udhëtojë në Milano të hënën për të përfunduar formalitetet e mbetura.
Reprezentuesi italian ka kontribuar me shtatë asistime dhe një gol për Brescian këtë sezon.
