Policia italiane arrestoi shtetasin Elmir Dashi, ish-punonjës i kompanisë së prodhimit të pasaportave dhe kartave të identitetit “Aleat”.
Dashi ishte në kërkim ndërkombëtar për falsifikimin e pasaportave dhe kartave të identitetit. Ai u arrestua në qytetin Galipoli të Italisë.
Falsifikimet bëheshin për persona me precedentë penalë, të cilët me ndihmën e Dashit por edhe punonjësve të tjerë në zyrat e “Aleat” në Fier, pajiseshin me dokumente të sakta si pasaporta dhe karta identiteti por me identitetin e vjedhur nga dikush tjetër, raporton newsbomb.al.
Kjo skemë është zbuluar nga Prokuroria për herë të parë që në vitin 2012, kur në Zvicër u arrestua një shqiptar, i cili u duk se posedonte dokumente të rregullta, por rezultoi se kishte vjedhur identitetin.
