Fjoralba Caka është dorëhequr nga posti i zv.ministres së Drejtësisë.
Caka shprehet se arsyet e dorëheqjes janë tërësisht vetjake dhe nuk kanë lidhje me detyrën dhe aktivitetin e saj.
Fjoralba Caka është emëruar në postin e zëvendësministres së Drejtësisë 1 vit më parë.
Caka zëvendësoi në këtë post, Teuta Vodën, e cila dha dorëheqjen pas kërkesës së ministres së Drejtësisë, Etilda Gjonaj, për largimin e saj nga kjo detyrë.
Ministria e Drejtësisë muajt e fundit është përfshirë në një seri debatesh pas kallëzimit penal të presidentit Ilir Meta në SPAK, të ministres Etilda Gjonaj dhe dy zyrtarëve të tjerë të këtij dikasteri.
Ata u akuzuan nga kreu i shtetit se kishin shkelur rëndë Kushtetutën dhe kishin kryer një falsifikim me urdhrin e Gjonajt për botimin në Fletoren Zyrtare të një vendimi të KED-së, për emërimet në Gjykatën Kushtetuese.
