Inter ka mundur 3-0 Genoa-n në javën e 36-të të Serisë A. Një fitore e shumëpritur për zikaltrit që janë paraqitur në Ferraris pas dy barazime radhazi të marra në kampionat.
Golat e Lukaku-t (34′, 90+3′) dhe Sanchez-it (83′) kanë vulosur fitoren e milanezëve.
Belgu ka realizuar 29 gola në ndeshjet e luajtura këtë sezon në të gjitha kompeticionet, ecuria më e mirë në një sezon në karrierën e tij.
Me këtë fitore Interi është ngjitur në vendin e dytë të renditjes, duke shkuar vetëm 4 pikë larg Juventus-it, që do të luajë nesër në mbrëmje kundër Sampdoria-s.
