Gjendet i pajetë një shtetas italian në Kavajë. Raportohet se italiani banonte në lagjen nr. 2 të Kavajës, në katin e gjashtë të një pallati.
Ai i kishte humbur kontaktet me familjarët e tij në Itali që prej orës 08:15 të mëngjesit të sotëm, ndërsa nuk ju është përgjigjur thirrjeve të tyre në telefon.
Viktimë mësohet se është Xhuzepe Klemente, rreth 70 vjeç, i cili mësohet se kishte pasur probleme të shumta shëndetësore në kaluarën.
Në trupin e viktimës nuk ka shenja dhune dhe dyshimet e para janë që ai mund të ketë ndërruar jetë për shkak të ndonjë sulmi në zemër.
Ndërkohë, trupi i pajetë do të dërgohet te morgu i Tiranës, pasi është nënshtetas i huaj.
