Një aksident ka ndodhur mëngjesin e sotëm (23 korrik), në rrugën dytësore Tiranë-Durrës, ku janë përplasur dy automjete.
Nga aksidenti kanë mbetur të plagosur 4 femra, fatmirësisht të gjitha jashtë rrezikut për jetën.
”Rreth orës 07:20, në rrugën dytësore Tiranë- Durrës, janë përfshirë në aksident mjeti me drejtues P.P., me mjetin me drejtues J.P., dhe për pasojë janë dëmtuar pasagjerët D.M.,21 vjeçe, E.B., 33 vjeçe, L.M.,21 vjeçe dhe L.D., 42 vjeçe, të cilat u dërguan në spital, dhe ndodhen jashtë rrezikut për jetën”, thuhet në njoftimin e policisë.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
