Kryetari i Bashkisë Tiranë, Erion Veliaj ka deklaruar se do të japë 150 milionë lekë shpërblim për ekipin eTiranës, me rastin e trumfit në Superligë.
“150 milionë lekë shpërblim. Ky shpërblim do të shkojë për të gjithë skuadrën, jo vetëm për ata 11 që zbresin në fushë. Pavarësisht se është një ekip kryesor që del në fushë, ky është vendimi i parë me një urim të përzemërt për Tiranën. E di që shumë veta thoshin dje pse s’ka bërë urim Lali Eri si ca politikanë të tjerë, por politikanët e tjerë ndoshta fjalët i kanë të tepërta, kur flasim ne të bashkisë, urimet nuk bëhen me duart bosh, por me duart plot, teksa bëmë edhe një analizë me klubin se çfarë do të ishte një shpërblim i arsyeshëm”, theksoi Veliaj nga mbledhja e Këshillit Bashkiak.
