Reperi i njohur Majk, përmes disa postimeve në Instastory, ka reaguar ndaj masave të qeverisë për mos hapjen e lokaleve të natës.
Në postimin e parë ai mbështet protestat e zhvilluara në Londër për mos mbajtjen e maskës, ndërsa në postimin e dytë shkruan se dëshiron të jetojë sipas rregullave të veta. “Të q*** qeverinë dhe sistemin”, shprehet ai.
Më tej, reperi shprehet se qeveria dhe sistemi nuk mund të kontrollojnë shpirtrat tanë.
Shumë artistë kanë dalë kundër vendimmarrjes së qeverisë.
Ministrja e Shëndetësisë, Ogerta Manastirliu njoftoi një ditë më parë vendimin e qeverisë për mos hapjen e “klubeve të natës, diskove, lounge barve dhe çdo lloj shërbimi të kësaj natyre në mjedis të mbyllur apo të hapur, përveç restoranteve.”
Një protestë u zhvillua pasditen e djeshme në Tiranë me grupet e interesit që u shprehën kundër vendimit.
Mesditën e sotme, Shoqata e Bareve ka paralajmëruar mbajtjen e një tjetër proteste para kryeministrisë.
Autoritetet ndërkohë, kanë njoftuar se grumbullimi i personave është i ndaluar.
