Mazhoranca në Komisionin e Ligjeve rrëzoi sot dekretin e Presidentit Meta për gjobat ndaj televizioneve në rast moszbatimi të masave kundër koronavirusit. Kryetari Ulsi Manja shprehu domosdoshmërinë e këtyre masave duke parë edhe shtimin e rasteve me koronavirus.
Dekreti i presidentit u rrëzua me 16 vota, mes të cilave edhe ajo e opozitarit Adriatik Alimadhi, ndërsa deputeti Korab Lita ishte pro dekretit të presidentit.
Ilir Meta e ktheu për rishqyrtim në Kuvend ligjin duke argumentuar se ky sanksion rrezikon të çojë në ndëshkimin me pa të drejtë të mediave. Sipas Presidentit, ligjii cënon të drejtën për informim dhe lirinë e shprehjes, të parashikuara në nenet 22 dhe 23 të Kushtetuës.
Ligji parashikon gjobë 1 mln lekë për mediat nëse në një studio televizive ka më shumë se dy të ftuar.
