Skuadra e Partizanit është gjobitur me 80 mijë euro dhe i është ndaluar që të bëjë merkato deri në verën e ardhshme.
Klubi i kuq është dënuar nga FIFA dhe shkak është bërë një gjyq i humbur dhe që lidhet me Erald Çinarin. Sulmuesi, i cili dy vite më parë kishte nënshkruar me Alaves dhe pastaj u huazua te Istra në Kroaci, me kontratën që firmosi te Partizani shkeli rregullat e FIFA-s.
Kështu, gjyqi ka vendosur kundër Partizanit. Të kuqtë nuk mund të bëjnë merkato gjatë kësaj vere dhe në janar, ndërkohë që do te duhet të paguajnë edhe gjobën.
Te Partizani nuk janë dakord me dënimin e marrë, ndërkohë që për “Panorama Sport” kanë konfirmuar se klubi do ta apelojë vendimin.
