Gjatë orëve të fundit në Devoll janë regjistruar 4 raste pozitive me koronavirus. Mes të infektuarve është edhe një mjeke.
Nga raportimet të gjithë të infektuarit janë pjesë e një familjeje.
Bëhet fjalë për rastin e parë në fshatin Baban, i cili ka infektuar gjithë familjen, mes tyre edhe vajzën mjeke, e cila punon në një qendër shëndetësore në fshatin Miras.
Familja ka shfaqur simptoma ditë më parë, por sot testimet kanë vërtetuar se janë pozitivë.
Kjo familje qëndron prej ditësh e izoluar në banesë. Ndërkohë është karantinuar i gjithë stafi i qëndrës shëndetësore.
