Policia e Lezhës arrestoi një 24-vjeçar në flagrancë, pasi u kap duke transportuar 11 emigrantë të paligjshëm, sirianë, drejt Kosovës, në rrugën Milot-Rrëshen.
Transportimi i tyre bëhej me qëllim dhënien ndihmë për kalim të paligjshëm të kufirit, kundrejt fitimit.
Policia arrestoi 24 vjeçarin, banues në Kodër Kamzë, Tiranë.
“Arrestimi i këtij shtetasi u bë, pasi u kap nga shërbimet e Policisë, në aksin rrugor Milot-Rrëshen, duke transportuar me mjetin e tij, 11 shtetas sirianë, kundrejt fitimit, për të kaluar kufirin me Kosovën, në mënyrë të paligjshme, me destinacion final një nga vendet e BE-së.
Materiale hetimore i kaluan Prokurorisë pranë Gjykatës së Shkallës së Parë Lezhë, për veprimet e mëtejshme”, thuhet në njoftimin e policisë.
