Juventusi luan mbrëmjen e sotme në transfertë kundër Sassuolos, ndeshje kjo e vlefshme për javën e 33-të në Serie A.
Bardhezinjtë vijnë në këtë takim, pas humbjes me Milanin dhe barazimit me Atalantën rezultate këto që gjithsesi nuk ia cënuan pozitat në vendin e parë pasi edhe kundërshtarët u ndalën.
Kjo ndeshje do të jetë e veçantë për Cristiano Ronaldon. Ylli i Juventusit ka mundësinë e mirë të bëhet lojtar i parë që shënon më shumë se të paktën 50 gola në kampionatin italian, anglez dhe spanjoll.
35-vjeçari me fanellën e Manchester United ka realizuar 84 gola në Premier Ligë dhe 311 gola në kampionatin spanjoll në La Liga.
Sassuolo-Juventus, luhet në orën 21:45 me bardhezinjtë që kërkojnë fitore për tu afruar gjithnjë e më shumë drejt titullit kampion. Nga ana tjetër vendasit do të provojnë të vazhdojnë me rezultatet pozitive teksa në katër ndeshjet e fundit kanë regjistruar katër fitore.
